Økologisk eggproduksjon med fokus på dyrevelferd.

Mellom høge fjell i ein trong dal ligg Støylen Egg. Etter over 50 år med eggproduksjon i forskjellige drifts- former, har vi no 7500 høner i aviar økologisk eggproduksjon. Her lever hønene i eit fritt miljø der dei har tilbud om å gå ut i det fri heile året. Hønene har tilgang til mat og vatn inne, og naturleg dagslys får dei frå "Solatube" dagslyssystem gjennom taket. Og i tillegg til den ekstra gode plassen inne i huset og tilgang til uteområde, så gjer vi kvar dag det vi kan for at hønene har det så godt som mogeleg.